KYAJI PATALEKO

Name Asli mamak sikok ikak rengkeh kate Aman dak salah Jabalan. Kenenye dek Pegi Haji di ubah wang di Mekkah Jadi Muhammad Naser. Tapi asak ke belekak jolok wang dai jauh namenye Jadi KYAJI PATALEKO.

Lagi budak semeleh mintek ampun, aman uja wang Penukal tu ni namenye "manyal"

Belage galak, nga wang gurak tekate, idak tegoco Atau idak tekubit di musuh meludai dai jauh lagi dila.

Kapan kene marah oleh rentue gara - gara galak maling sen bunyian induk dibawah peraba nye ngentuk ke kepalak di tiang garang. Dak pacak dak takut wang aman bak e jadi Keria.

Alahasil la bujang sampai tue meralang masih bae bagak, abis dak getek nia pelan mirek I bawa tangge atau nggalang kepuntung gelek duma rentue gadis nyang luat dinye lagi pare kenye. Maling getah kepingan itulah pelan, sen e abisa bejudi dipetopan.

La Asak tue, iluk pulek naseb pangkenye bedagang toko e ampak, nyambut getah banyak anak kapak alahasil jadi toke. "Sirih naek lanjaran naek" saking menfaat cerek rejekinye pacak naek haji sekeluago besok.

Ngape sangkan laju dijolok Kyaji Pataleko....????

Ikaklah titik lemah nye, sebab dak pacak kelek dibetine kederang abang nye tekujut ati, aman uja wang mengkarai ade "ati kelincit"

Olah ketorok wang dang noros di tiang dapo anci betine bangkat peresiang. Nyeni idak pulek ndak ngape-ngape cuma ribang nilik bae.

Ade pulek nyang lucu, dek nimbang getah ditepian betine, ade bini wang ke kayik cuma bebesan belacu, kyaji Pataleko tetoleh toleh empat Lime ulang e...dak ketonan dipenan ade batang nio " Jeladup " uja kepala e neru batang nio tadi. Laju tekapar pingsan.... Ingin itulah wang bedusun njoloknye KYAJI PATALEKO......

Dem batas itu bae Cerita ikak, agik aku tego ke wang banyak.. LOK TIKUS MANDI KE LENGE... LOK KEPAYANG JATOO KE LUBOK.... BEDEBOT KENTUT DAYO..... "MPLUUNG....!! " UJI NYEEE...... NAH SUUDEEE..... (Ditutur ke Ulang oleh : Alm. Pemuda Santri )