Pantun “Nyepari”

Oleh : Ramlan Tambak

Sukarami dusun e nyimpang
Jalan bekanyak ke Tanjung Baru
Kami la jauh tinggal ke wang
Nye la banyak kantenan baru

Ke Pendopo liwat Tambak
Jalan e jat banyak wang nodong
Ke lodo asek wang banyak
Asek anak lagi dibedong

Simpang Rasau ke Simpang Raje
Mubil tebenap di Jeramba Besi
Ati ku risau asek dak kade
Aman te ingat denga bejanji

Getek lauk tanak ke kia
Kalu bubu kene keli
Idak iluk turut ke kia
Kene ingat la dek bejanji

Ke Bulu Kuring liwat Bipi
Jangan dak nyimpang ke Muare Ikan
Belum kering luke di ati
Denga ngajak wang makan-makan

Bejo nga Alex ade tanduk e
Awas kalu kajut e narau
Rojo la gelek mane lubuk e
Awas kalu ngejut kemarau..

SSB-SUDUNG SANTRI
Medio Desember 2014