Print 
PDF
Cerita : N.N ditulis kembali oleh "Cucung Puyang Nekasan"
La lame teliwat cerita "Sarut" kak, kene pintek'an kawan-kawan budayawan lokal PALI, aku dimintek begesah tentang "Sarut" lagi. Sebeno e aku la sedut nia, mate lah begoyo rabun, awak la pelupe, nulis kak la towok. Tapi uja wang nia "aman ngelek kanti bahagia, tubu pulek ikut bahagia"..... Ahooyy tet wet... jangan bae tebace oleh jande TKS, agik nye ribang diwang nyang Nulis ikak.
Alahasil, Sarut kak kene marah induk e, oleh nutus kepalak adik e nga centong sayak nio, dang makan, gara-gara berebut keli panggang. Keli itu ni pulek buli maling ninggak bubu mbarap Jamal di Sungai Lamban ako. Biaso, aman tuek dikt maetu iluk nie jadi rebutan.
Aman ole e jangan kate diwang, bese ngian Siti induk Sarut ni Cuma nyambal ijat Balam.
Tapi dame e lagi anak pisat, ndak nyang ujanye bae... Metulah model Cekguh adik Sarut. Jadi oleh porek di adik e Sarut laju nutus kepalak Cekguh.
Merajuk, Sarut ngan balik kuma. Tan ke nye lapo dai pade balik. minom numpang ayik cebuk'an labu dai sungai Balam digarang wang......
Nah tekale perut Sarut ngereot lapo, bepikiirnye kak kemane ndak lokak pajuan... ayy yak Allah... (dalam ati Sarut)... Kemane ikak ndak ngisi perut....
Ade telintas dipikiran Sarut ndak maling ayam, tapi ingat di cawa mbarap Usin u ujanye aman maling ayam hukuman e lebih berat dai mebak uma wang...
Aiii... dak kade aku uja Sarut... berutuk suwang.
Bepikir Sarut, kemane oil ikak... alangke neridis asek perut.... sambil tesadai di Pance Merhan. " Ai kediek lokak... uja ati Sarut... Ke Jami' Wak Soba bae.... Kalu banyak kampo seltup... atawa pisang masak...
Dak serente lagi Sarut mincang jarang ngaguk balik umo niti jalan kecik.... kelang due belas bidang dek nyeberang Lamban Siluk sampai di Jami pak Obeng (pantauan Wak Soba).
Tuek dame wang kelapoan..... kelek di tebu... muntal tebu.. ngigit pakai gigi.. Ade Seltup masak, peteliii..... Auus nuntut ningan... dek makan ningan ngokop ayik labu digarang sudung... maneeesss.... tapi lum kenyang niaa.....
Ubah Sarut mbetil kuro-kuro masuk sudung Pak Obeng, pas kelek dipucuk papi ade karung Goni... ai uja Sarut " ikak pasti peraman pisang" dak serente Sarut nurunke karung... Kapan di kelik ke nye pisang Raje la puih.... kecar cur ayik lio Sarut... Kubak Sikok gindak.. sikok lagi masih gindak... alahasil la ndak setandan... pisang Raje Soba tutuk Sarut.... ndak beringgut lagi karee... Ahir e Sarut tebadang kekenyangan... dang iluk tembung angen petang... Sarut tetidok.. ngorok pulek....
Mak mene mak mene pak Obeng alias Soba ninggak Jami'e takut kalu taruk balam paju simpai... tapi sampai parak sudung bedejir pak Obeng tekejut sangkenye kalu congkoh.. bekas e munyi wang ngorok tidok... kapan selenep e... Lailaha ilallah... Sarut tebadang seregap buntang... kulit pisang nyembur tengah sudung....
Datang pak Obeng awak Sarut cuil e nga kaki... ntah oleh tekejut atau ketakutan... ntam uja Sarut melumpat mbukak Kuntaw... la maen ke sambut buang sambil betari ndak nggocoh pak Obeng... oleh sekal ati datang Pak Obeng "Ketampong' tengani e... Sarut lagu lagu ndak nangkis tapi kene meke... meningkah opak abang meke Sarut.
Kapan nye ingat, Sarut asing malu ..takut pulek... celedung ..terjun digarang.... nempuh tangge kandang lagi dak lagi belarai.... dak tekeruan arah.... Saruuuttt..... Saruuut... payo beno-beno bae agai dalam bumi kak ..........
Jami' : Belukar yang terpelihara dan banyak tanaman serta ada pondok bermalamnya Red.
( Sudung Santri, 26/5)
Redaksi
