" MELE PENGULU "

Serial Sarut (6)

Ikaklah butung ndak gelek, aher e dak getek nyang jadi gawe...

Sarut, teteru dimosem wang ndak milih pengulu... Tapi pikiran kotor la ndulu inggap di utak e.

Ngape sangkan kateke metu, lah ade 2 calon pengulu dai dusun ulu nga dusun ilo.... Uja ati e aman tuek wang dak tau.. Gasak gelek aman wang ngajak nge-team...

Calon pengulu nyang dusun ulu be-sen, ragapi wang banyak oleh wang takut di sanak dulur e sebab uja wang aman nye jadi pengulu jelas anak beranak cung becucung bakal jadi pengulu gelek

Nyang calon pengulu di ilo ka buntu, jadi kurang diragapi wang nia... Modal e cuma ayik lio bae... Kelebian e nye pacak ngolok wang... Anjing nga kucing lagi belage aman parak nye....

Nah, situasi ikaklah yang dimanfaatke oleh selebriti kite "si Sarut" kak..

Jadi nye nge team di calon pengulu ulu.

Ade kale waktu nye mbuat LAPSU (laporan palsu) sambil nyetor ke cawa " naaa...ikak no catatan pendukung kite ada wang 100 dai talang Suban" uja Sarut ngate di Ustad Nuwar sang Calon.

Jadi name e lagi ustad mudah nia nye pecaye ' mula'i nye main Sempoa (tuek alat merikin jaman chine) di tokoe. Detu ke dalam kamar ngambik sen " nah Rut, ikak sen 200 ringgit jangan dak bagi ke di wang situ.. Ikak nyang selawe ikak kalu nga ndak ngajak wang ngopi"" uja Ustad Nuwar.

"Ao, payooo beres tad.. Pokok e wang 100 tu pasti milu tubu." Uja Sarut meyakinke Ustad Nuwar sambil pakai Cipika-cipiki

Lum jauh nia dai uma calon pengulu ulu... Sarut la bepikir... Aii mudah nia buli modal marak Ningyam kak.. Dalam ati e... Nyebut jande dusun Cawang.

La mikirke merjake ade sen dikit itu... Singkat kate selesai babak pertame.

Ubah pulek lain malam Sarut ke ilo nemui Kyaji Pa'al.. Calon pengulu sikok... eee .... Trus begesah sampai dalu... Sambil ngejat ke ustad Nuwar...

Ndak balik, uja Kyaji Pa'al "ikak no Rut, kalu anak bini nga ndak ke kalangan sarisuk" ngate di Sarut.

"Aii trime kaseh Ji.. Sebeno e aku ni berat nerime ee kene aku ni tau nga ni buntu " uja Sarut basa basi.... Tapi sen tadi gupu masuk ke nye dalam celane karung gendum e...

Aman nyengkak nyium tangan nia kene kyaji la tue pulek..

Nyaman uja Sarut " buli modal bepakau toko insan... Lum ke bubar wang situ.. Uja ati Sarut" sambil mincang Jarang.

Alahasil, pas pilih... Sarut jangan ke ndak milih.. Nye temalam dume tekak anak binie... Kene nye la tebayang tope nyang bakal tejadi ke penan...

Pas ngitung suare, Ustad Nuwar kalah 99 dai Kyaji Pa'al... Te ingat la itu nye di Sarut....

Cak 3 ari betemu nga Sarut tengah jalan kayik.... Ustad Nuwar ngancap ke arah Sarut... Tekelek di Ustad Nuwar pucat pias Sarut.. Bepikir singkat bruuusss...!! Uja nye ngambik langka seribu... " Najin lum tau disalah uu

Notok pulek Ustad Nuwar ngalau sambil nyangking ubo kering ... " Nga matiii Ruuut... Nga matiiii.... Tantiii ... Aman nga Lanang... Ngolake aku igek uuuuu" cerik Ustad Nuwar"""""" mbak alau anjing gile Sarut ngelepesap dalam bluko... Tope teteru mare.. (red)

Teks : Alm. Pemuda Santri
Editor : NURUL