SARUT -17 : " Maling Kumbu"

Bukan Sarut aman idak nyemeleh agai nye dalam bumi kak .... Aman uja wang Pando selak maju, ade nia... Sarut kak galak gratil bae dak keruan, ikak contohnye :

Kelam - kelam Cikmentik la nggerak ke Sarut ndak bejalan mantang. " Ooii.. Geraklah kite nating ari kak " uja Cikmentik ngingut ke lakinye.

Jangan ke ndak gerak ngelesek lagi idak ... Oleh abis porek.. Binie ngambik ayik dalam pasu katang ke nye.. " Rooo... Coroke nye di Sarut.... " Mmm nyaman kau aman la kumbus metu". Uja Cikmentik.

Aii ngelditing Sarut melumpat... Sambil merepet ndak marah " oooii.. Ya Allah kamuuuu... Akuuu ni demaam.... Laju lah kamu suwang mantang " keleta Sarut ole sedut mantang.

Bini e ee bejalan mantang ... Sarut ngerut ke besan. Dek busap...busik pance Merhan.
Mpai menga tau Merhan ni bedagang kopi ... Jadi Sarut pas tanyeke Patia bini Merhan " ngape Rut idak mantang". Mmmm... Aku ni demam yot... Uja Sarut Sambil icak icak ngelugut...

Eeeiii berla-berla sambil ngonjo di pance.... Ade kanti ngobrol sikok due.
Kapan di kelik ke Sarut Patia la ngepik ke Perlak di meja dalam bakul plastik betukup....

Topelah dalam ati Sarut Perlak Toko ikak... Ndak ngopi getek Sen... Butang maluan uja ati ee..

- Kedalam aii... Uja Sarut ... Sambil ngesot kepunggung masuk ke dalam toko..... Mak menelah ujanye ndak makan perlak ikak perut la ngereot...

Idak abis akal Sarut,,, icak icak nungkus di meja.... Tangan e begoyo nyingkap ke tukup bakul... Wooooo... Kumbuuu.... Tambah teliur Sarut kerne ikak perlak idolanye...

Selenep e Patia deng sibuk bimpun didapo... BegoyoO tangan e ngerayap.. Ngambik kumbu... Koop !! Uja nye masuk ke nye dalam mulut kumbu angat itu.. Terayik mate e.....
" Sambi sembulung besan nye nungkus di meja ngunya kumbu itu"

Abis sijat.... Merojo lagiii.... Nungkus lagi... (Nye dak ketonan aman la lame imak ke Patia agai nye uuu)

Pas neguk nyang ke tigeee.... Patia mantau.... " Ngape Rut.... Upek e banyak kacang iju nyembuur bawa meja " alusi Patia...

Tekejajay Sarut.... Dang iluk pulek tuek makan kumbu mungkuk idak minom.. Jadi mengkelan... Nggg.... Ngg... Ngg.... Uja Sarut mulut e kemak dak pacak becawa...

Sambil be udung- udung Sarut kesah begoyo.... " Mareee yot butang duluuu.. Tige kok aku makan eee... Uja Sarut.. Sambil ngelonyoor kesah...

Oooiii yak Allah ruuut..... Alangke dak senono agai " uja Patia... " Maling Maju"
Sarut.... Saruuuut.....

Teks Naskah :
Alm. Pemuda Santri
Ilustrasi :
Azwar Anas
Editor : NURUL