SARUT KE JAKARTA

Dalam perjalanan idupnye Sarut ola pulek ke Jakarta. Kene anak'e nyang tue Rahunting sekolah disitu..

Singkat Cerita, la datang ke Jakarta nye berayau ke Pasar kanca anak'e. Banyak penilik'an Sarut, kelik di tahu jual wang dalam ember. Nye betanye di wang njual tahu matah itu " berepe sen di menga regeh e aman getah kecik mekak, aman di kami mengkari dang murah nia rege getah" uja Sarut.

Wang jualan tahu itu dak terti base Sarut, untung anak'e gacang tau... " La bak, itu ni nyek getah balam... Itu ni Tahu.... Paju wang..bak " uja Rahunting.

Dek belanje dipasar Sarut ngate di anak'e " ai, la lapo nia, kite singgah duma makan" uja Sarut.. " Payo bak..." Jawab Rahunting.
Ngingat ke cawa wang dusun ngateke aman makan direstoran iluk nia makai gerpu.

Jadi Sarut mesan di pelayan e " banyak-banyak gerpu eee " uja ati e cuka aku nutuk gerpu ak iluk dak "

Tetengah nasi nga Gerpu, dak serentak lagi mepak nasi sambil mejalke gerpu dalam mulut " adok, keras tekak oii" dalam ati ee. Cuka ke nye lagi " krak.. !! Gompel gigi darah munyar-manyer..

" La bak, ngape pulek nga merogok ke gerpu dalam mulut" uja Rahunting.

" Uja wang dusun iluk aman makan makai gerpu. Iluk ape... !! Rutuk Sarut.

Alahasil buye makan, tapi kelik di tulisan CUCI MULUT di pisang rejembun... Sarut penasaran, nye ngambik pisang itu sikok terus di rogok-rogok ke nye di mulut meningka wang nyikat gigi... Keruan tetu di kunya-kunya terus di kilam detu disembur ke nye di lantai ... " Bruush..!!"

Pelayan uma makan nyang ngelik ke tingkah Sarut itu betego " lho pak .. Masak gitu . ??!! "

Spontan Sarut njawab dak agam " Lhaaa.. Iluklah nyang masak metu... Dai pade nyang matah ... Banyak getah tau dak !! Uja Sarut kesal.

Ngelik tingkah bak ee olee abis malu Rahunting anak ee kesah deniam.. Ninggalke Sarut...

Nah bingung Sarut nuntut anak ee.. Petang lah arai lum popok.. Cuma ade sikok ingatan ee uma kontrakan anak e.... Ade ciri anduk abang tesampai digarang.

Naek bemo nye mutari Jakarta ... Sopir bemo betanye " pak, dimana rumah anaknya.."
Santai bae Sarut njawab e... " Dak usah takut aku tau tibek kontrakan anakku.. Ciri ee ade andok abang tesampai digarang " jawab Sarut.... Dem, sopir bemo itu cuma nggaut kepalak idak gatal... Ndak kemanelah ongkak.. Uja nye dalam ati ....****
Red.