SARUT

" NAEK NIO "

Ari buke la parak, wang la geresok nyiapke ndak raye.. Uma kotor la begoyo lap nga solar, kace jendelo besot nga koran.
Bengkel motor rami wang bedandan motor. Ngijeke berayau ari buke.

Idak kecuali keluargo kecil bahagia kite Sarut and Cikmentik binie, serte anak, ipo mentue. Kene raye puase kak sekali setaun.
Jadi ajang sliaturahmi, make jauh jauh ari la dipersiapke..

Singkat Cerita, la datang ari bemasak-masak (se ari ndak buke) Cikmentik sibuk nyiapke mbuat perlak. Idak pulek pakam nia Cuma ndak melemang, mbuat pergo, lawan makanan kecik laennye.

Tapi kene ndak raye sego nia nuntut jualan nio. Untunglah pas betanye di ban bak'e Cikmentik alias mentue Sarut tetu ade. Cuma ndak naek dewek dibalik umo e....

Peramgi Sarut galak mudah ke gawe, kene anak masih kecik gelek nye ngajak mentue e betine naek e..
Markonah mentue Sarut milu bae tuek nga menantu.
Cuma datang ke te menantu wang cerek Sarut.. Kate ke getek akal salah.. Ngape sangkan kate ke metu... La pas nye naek nio tu bebaju idak be becelane idak goloh goloh be andok bae...

Markonah nunggu dibawah ngadang kalu nio kelape uruh kagik. Sementare Sarut setakuk demi setakuk bedekup dibatang nio bebesan andok sambil nyandang berangke golok..naek ke pucuk.

Otomatis " kelomonyok" Sarut tekelik oleh Markonah mentue ee..." Astaghfirullahaladziem..!! " Dalam ati Markonah alangke dak senonoh menantu ikaak.. "
Sarut cak idak bae, dak ketonan aman imak ke mentue..
Langsung naek betinggir di pelepah nyabut golok netak tandan nio nyang tue.

Nah ikak diek nyang lebih seru,,, pas kentam tom nye ngapak tandan nio tu dak ketonan aman andok e teloloo. Iluk aman sekedar telolo bae kene posisi dang begantung di pelepah nio otomatis anduk kene ke nye tadi melayang ke bawah... Kurang andam Sarut tecerik " nah dem .. Anduk ku telepas..!" Nganeng Sarut mencerik Markonah nyungak ke pucuk .. Telulung mati Markonah tekelik di Sarut tegelawit di pelepah nio pucuk kepalak ee... Kubuuu. Binataaang. !! Uja Markonah sambil Belarai ke kuma. Nganeng bini ee tecerik mentue lanang Sarut, terjun bae di garang dapo oleh tekejut.

Tapi pas tau cerita bini ee.. Nggiling kepala Sa'ara." Ya Allah Rut.. Alangke dak olah senonoh agai nga.hhmmm... " Uja Sa'ara kesal.

Dai jauh Sarut Mantau mentue u pulek " payo bak tuntut ke mentaran joloke anduk ku " uja nye.. Tepakso mentue lanang e sambil berutuk maculke sampayan parak uma ee.. Njoloke anduk di Sarut...sepatah getek omongan mentue e njoloke anduk mencungak lagi idak .....
Ooii Saruuuut.... Saruuut... (PL)
nurul