Kemane Kite

Oca, Purnomo, Lahong, Molor dan Yenk adalah 5 kanca akrab,wang sikak galak mantau sesamenye pakai pantauan  "KONG".

 

wang sikak lalame begawe jadi  TKS di kabupaten PALI. Wang sikak bgawe di SKPD yang laen laen, ade yang di pertanian, kecamatan, dan ade yang di sekolah.

 

Wang 5 ikak nemanlah ngabiske  waktu besame same, tiap kali balik begawe ade bae acara wang sikak. Itu mpai dikateke akor.

 

Wang sikak dak olah ngerase yang name e  galau uji wang mengkari, soal e wang sikak selera humor  e tinggi, daun tetek bae lagi pacak di jadike bahan pelucuan...

Palengan yenk yang agak neman galau oleh gadis yang diparakenye mengkari.

 

Nah ikak bukan cerita tentang gadis, ape tentang acara wang 5 sekanca ikak, tapi ikak cerita tentang UJI KOMPETESI  TKS di PALI  ikak.

 

Soal e mengkari di PALI ikak ndak Uji Kompetesi TKS, yang kabar e sape yang idak lolos idak dapat SK lagi.

 

Nah jadi TKS ikak aman dag katek SK idak digaji wang, makmane dak ancor ati.. uji wang 5 ikak.

 

Jadi pas lagi duduk dipance wang sikak  nyawake tentang Uji Kompetsi TKS di PALI ikak

 

Molor : " ai kong peneng kepalaku mekerke UK agik?

Oca : "ngape pulek ndak peneng, wang tes tubu milu tes, wang lolos tubuh milu lolos"

Molor  : "ao, aman pacak uji tubu.. ikak ne dapacak, tubuh ikak tamatan SMA,

wang dalam degetek, sen degetek, jadi spee nia aku kong."

Lahong            : "aii, seragi bae lor, aku lebih parah ndai dinge, aku ne dgetek gelek,

wang dalam dgetek, sen dgetek, klinjengen

dgetek, ongkos raye ikak lagi dgetek". Uji lahong sambil cenge mereng (cenge meluatke )

 

Tapi.. wang sikak la biaso saling bancau mitu ne, jadi idak ke erok.. aman aman bae...

 

Idak lamek nia purnomo kanca yeng datang, ntah mpai dem dari mene wang sikak.

 

Bulan pose ikak bawean wang lesu, nye bedua bawean semangat nian..

 

Oca         : "ai dem dari mene kong kamu bedue ikak, ndai jauh la cenge2.. ladas nia

lagu e.. ?"

Lahong            : "payo beajakan man ladas ne kong"

Purnomo  : "ai yao pulek kong, iloklah kami cenge ndai jauh jauh.. cakmane aman

kami ndai jauh jauh la nanges?"

Yenk                : "ade lokak aman ndak milu kong"

Molor, oca, lahong   : "ndak kong, lokak pdie??" ( wang 3 ikak serempak nia ngomong,

cak e la jauh nian pekeran e)

Yenk                : "lokak andem .....hahahahaha...."  ( yenk ngajak belore )

Molor               : "beeeww... beww.. bew... kami ne lagi peneng nga ajaak belore kong."

Yenk                : "peneng ngape ?"

Lahong            : "peneng mekerke UK TKS agik?"

Purnomo  : "kami yang peneng nia, kami teserempak ngan ujian kuliah di merenem

kong.. aku semalam malam ne, mekerkenye.."

Yenk                : "ngape pulek ndak peneng kong? Jalanke bae. " ( yeng, wang e religius )

Oca         : "cakmane agik aman tubu idak lolos kong, ndak begawe dimane?"

Molor               : "ao, ikak ijazah Cuma SMA, ndak mantang la sedut, ndak merantau

badan la tue.. otek nia kepala"

Yeng                : "tenang bae aku ade lokak gawe"

Molor               : "pdie kong lokak e,?" ( bawean serius)

Yenk                : "jadi model iklan shampo kong di palembang, tapi kitek ndak milu tes

casting dulu kong,  ( masih agak serius )

Molor               : "ai, payooo ndaak nian aku, pacak jadi artis tubu" ( semangat campor

serius )

Yenk                :" jadi casting iklan shampo kong tubu" ( massih serius )

Oca         : "ai yao, ndak pulek aku.. payo kapan kitek pegii kong?"

Molor               :  "jadi pdie tubu agik kong?"

Yenk                :" jadi ketombe e kong ( hahahaha... idak bae teguling guling yenk tawe )"

Oca, molor,      : "ndak gileeeee..."

Lahong,   :  "payo kong serisu pulek, cakmane kite aman seandainye agik idak lolos

tes UK"

Purnomo  : "aman aku la telek idak lolos,"

Oca         : "ngape nga la tau pur"

Pur          : "aku idak pacak milu UK, aku ndak ujian ke mrenem kong."

Molor               : "ngape pulek mengkari ndak tes UK TKS mikak, cuka ndai dulu wang

ne.. mikak wang la begantung jadi TKS ikak..

tau tau ndak pengurangan.. ontooong nia lum bebini."

Oca         : "ai yao, jadi KEMANE KITE aman idak lolos UK kagik??"

Yenk                : "hahaha.. benge ikak, tes lagi belum. La mekerke idak lolos, cuka ke

Dulu kong"

Molor               : "ai nga cak e santai nean yenk, kalu ade wang dalam pulek?"

Yenk                : "hahaha.. ade aku wang dalam, dalam uma kami.. hahaha"

Lahong            : "payo bebeno kong, kemane kitek ijene?"

Yenk                : "pokok e mikak bae, kitek jangan peneng, jalanke bae dulu, nah agik

aman la ade pengumuman lolos idak e,

mpai tubu bepikir lagi. Mengkari tubu dang pose, ilok kitek nontot paye.. pacak berendam.."

Purnomo  :" jadi kong,"

Molor               : "aii penn..."  ( la dipotong yenk omongan e )

Yenk                : "payo ai pdie pulek, payo brangkat Serahke bae di tuhan, percuma kitek

mekerke lolos ngan idak e, kagik dulu kite

mekerke ndak kemane kite, pokok e kite berendam dulu"

( uji yeng sambil ngidupke motor )

Jadi wang 5 ikak berendam di paye, name paye e paye grude.. ayki e dingin, bening, paser e poteh, teduh pulek.

 

_Kiriman pembaca BeritaPALI