SARUT

"Gesah pakam jadi Jurkam"

La tebiaso aman dek megrib lanang di Rukam condong galak begesa dipance parak toko kopi. Mak itu pulek malam ikak, Sarut entah sembayang megrib ape idak lum jam 7 nye la ade di pance Sekri.

Notok dirombongan wang banyak nyang mance tu ade tokoh tekenal negeri Rukam condong, sape lagi aman bukan "Bahalam"

Pangkal cawa kak mulak'ii dai nyang rengkeh, nyeritake soal puase trus jumlah wang nyang mbayo zakat, tapi asak dalu gesah tambah seru tope lagi aman idak nyeritake betine.. Idak cuma jande belagak atau betine beranak'an ujung-ujung tekak ke bini wang lagi dibahas... Penting rombongan ikak...

Alahasil tepawat cawa Sarut nga Bahalam nggesahke rencana pilian depati. Aii same ndak menang cawa kak..

Uja Bahalam, "aman aku Rut dak ubah lagi dila depati Meragon kela. Kene la tebukti nye kak, iluk wang e, mudah berasan, calak, melawan pulek "

"Aii aman aku lum tentu Lam, kene menurut aku sape bae nyang
jadi Raje tu pasti iluk, pasti calak, tuek wang gelek nyang njalanke nye.die cuma merentahke bae" uja Sarut..

" Dak jadi metu Rut ! Tapi nyang pasti tekak pasti marak ke tempap nga kilaan.. Itulah prinsip wang tubu.ni" balas Bahalam.

"Aman aku idak, getek gunek adik beradik aman nye idak senduli nga tubu" uja Sarut.. Pokok seruuu..

Nah lame kelamean gesah Sarut nga Bahalam la ngarahke masalah be ikan-ikan. Kene tinggal nye bedue itulah lagi, wang lain la belense balik kuma suwang menyuang.

" Aku Rut kemarau ikak tadi bekarang lopak ke paye ngerunggang, banyak buliii.. Taneke bae.. Mbawe putas cuma sijat pacak buli betok 3 karung" uja Bahalam

"Weeeww.. Uja Sarut, "taroklah lam" cuma pengalaman aku di Sentang mpai kak beikan-ikan kak neke ke tangkul di Sungai Sentang tu.. Itulah jeriji e bae cak paee.. Nyingkup e tran e disele batang becangka cak derum besok ee.. Kapan nyingkup itulah isie toman nga serandang la ndak peno mubil truk kyaji Bernawi tu" uja Sarut ngate di Bahalam.

"Dang, nga ni ngelobos...." uja Bahalam porek.

"Ngaauuuuuu....!!" uja Sarut " ngelobos pulek"... Sengit

Dek dang !! Balik aku agik ramasku meke ngaa... " Uja Bahalam Emosi sambil ngonyor balik kuma...

" Aii aman teramas di meke ku.. Kade dak teberuyah lingkaran perut nga..." Balas Sarut.

Dem mate rungau buli bebala, kapan njangka tecetok ditai sapi loyak... Ya Allah.... Alangke benoo ee lakuu ikak.. Rutuk Sarut (PL)
Redaksi
BERITAPALI