Cerita Sarut "URUNG DILANTIK"

Gambar Kyaji Mardan dang ngeda Gulai jeruk nga Ikan Baung.....

Kanti Sarut ade wang due sikok namenye Mardan nyang Sikok lagi namenye Makmun.

Awal kesoh setelah di angkat jadi Depati, Meragon Mulak'i nyusun Kabinet.....
Wang nyang dipilih oleh Depati Meragon la pasti wang pakam gelek, diantare para pendukung e pas nye nyalon ikak tadi. Temasuk lah Mardan nga Makmun.
Setelah lame ari nyang ditunggu-tunggu oleh Mardan nga Makmun datang yakni Pelantikan.
Singkat kate persiapan la masak, acara pelantikan digelar di Balai Mergo Rukam Condong... Sikok demi Sikok name nyang dilantik dipanggil....

" Pembarap Rukam Condong Kyaji Barlen.... Uja pembawe acara... Maju bebares di penan... Kemendan Kamra Bari Tompel... Maju baris disamping Kyaji Barlen... Muhammad Nurdin Penggawo Kampun satu.... Man Tapa... Penggawo Kampung due... Seli Kenjik... Kerani Mergo.... Dem itu Makmun.. ! Kemendan Kemet...Dst

Giliran berikutnye di panggil .... Kyaji Mardaaan . !! Ketib Rukam Condong....!!
Tunggu sejoros lum datang, tanti ke wang lagi 10 menit masih lum nimbul..... Naaah kemane uja Sarut Kyaji Mardan ikak oiii malu ke wang bedusun nia eee....
Sampai wang dek gelek di lantik dak getek geromot eee....

Pangke wang besebo ndak makan.... Kene ari tu sedekah rami nyembelih kebau...
Wang banyak tekejut gelek bekas ee kyaji Mardan popok wang merekup di bawa meja idangan tetukup kain rempalan... Dang duduk betimpu "maling makan" ...

Tecerik Makmun mantau ee ... Daaan ! Tau dak nga ni ndak dilantik wang jadi ketib dusun kitek tadi... ?? Uja Makmun, " Tauuu uja Kyaji Mardan.... Cak idak....
Ngape nga idak nimbul ke Balai...? Uja Makmun ....
Agiiik begoyoo baeee.... Jawab Mardan sambil mulut e kemak..
Lailaha ilallah Daaan... Wang ni la dek acaraaa... Uja Makmun ngucap..
La yek !! Uja Mardan ....tekejut.. Ade tuek tepelancang dai dalam mulut ee...
Aku dang Kepalangan ngecap Gulaii...!! Uja Mardan Sambil ngelap Komes ee nyang ngoneng oleh bekas Gulai Jeruk nga Baung nyang di irup e bawa meja tadiii....

Pangke nye ngadap ke Depati Meragon, abang meke Depati ngelik ke nye....
" Aii dan alangke dak senono nga.. Hmmm... Imol mbesok ke majuuu baee... !! Uja Depati Meragon .... Dek ! Kesah lah parak aku kak.. uji nyee...

Sambil mbawe awak lesuh... Kyaji Mardan kesah dak keruen tibek'e lagi...
Dek, buye Mardan dilantik jadi Ketib gara gara ngecap gulai..**

( Kenangan " Posko PELITA " Rejosari Pendopo bersama : Daud Merdu, Jerry lontong dak bekuah, Kidu Tril , Ham mmuach mmuach, Ujang tukang mbuat ayik kopi, Pak De Jeragan , Sengky toke ikan, Makmun begelut dak pacak dem, dan Kyaji Mardan tukang ngecap gulai, 2015)